Никола-Жозеф Кињо

Никола-Жозеф Кињо (француски: Nicolas-Joseph Cugnot) (26 февруари 1725 – 2 октомври 1804) бил француски изумител кој го измислил првото возило на сопствен погон - автомобилот.

Кињо бил роден во Воад, Моз, Лотарингија. Бил обучен за воен инженер. Уште од 1765 експериментирал со функционални макети на возила на парен погон на француската војска, наменети за влечење на тешки топови. Кињо бил првиот кој го оспособил движето напред-занад на парниот клип за вртливо движење. Првата негова кола наречена „Fardier à vapeur“ („парна кола“) проработела во 1769. Следната година тој направил подобрена верзија. Неговото возило можело да влече 4 тони, а да вози со максимална брзина од 4 km/h. Ова тешко возило имало две тркала подзади и едно напред, на кое се држел парен котел, а самото возило било управувано со кормило. Во 1771 возилото се удрило во ѕид, што ја чини првата автомобилска несреќа во историјата. Оваа несреќа заедно со финансиските проблеми му оневозможило на Кињо да продолжи со работата, меѓутоа во 1772, кралот Луј XV му доделил пензија од 600 франци за неговата иновативна работа. Со Француската револуција оваа пензија била укината во 1789, и Кињо морал да пребегне во Брисел, каде живеел во беда. Кратко пред неговата смрт тој бил повикан назад во Франција од Наполеон Бонапартa. Тој се одзвал на овој повик и се вратил во Париз, каде починал. Возилото од 1770 е зачувано и стои во Националната Конзерваторија на Уметностите и Занаетите во Париз.

Историјата на автомобилите е многу богата и датира уште од од петнаестиот век кога Леонардо да Винчи креирал дизајни и модели за транспортни возила.

Постојат повеќе видови на автомобили – на пареа, на бензин и електрични – како и безброј стилови и модели. Кој точно го измислил автомобилот е прашање на проценка. Иако Никола Кињо често се спомнува како првиот кој направил механичко возило на сопствен погон или автомобил уште во 1769 со преправка на коњска кола, многумина го оспоруваат ова тврдење сметајќи дека неговото возило на три тркала никогаш не било во состојба да се движи или да одржи рамнотежа.

Ако треба да се посочи само еден, тогаш тоа најверојатно би бил Карл Бенц од Германија. Многу факти докажуваат дека тој го конструирал првиот автомобил во 1885/1886.

Автомобилот со погон на четири-тактен бензински мотор бил направен во 1885 година во Манхајм, Германија од Карл Бенз. Тоа бил потполн дизајн, без преправки и прилагодувања на постоечки компоненти, со вклучени бројни технолошки елементи за да се создаде нов концепт. Тој започнал да ги продава своите возила во 1888 година.

Сепак, постојат многу луѓе кои се заслужни за автомобилот да ги има изгледот, брзината и карактеристиките кои ги поседува денес.

Хајнрих Рудолф Херц

Хајнрих Рудолф Херц (22 февруари 1857 – 1 јануари 1894) бил германски физичар кој што во 1888 експериментално го докажал постоењето на електромагнетни бранови и утврдил дека нивната брзина е еднаква на брзината на светлината (Максвелова теорија) а ги испитал и нивните дејства. Херцовиот осцилатор послужил како основ за развој на радио-техниката. Ги изучувал дејствата на катодните и УВ зраците и на одреден начин утврдил фотоелектричен ефект. Единицата за осцилација (фрекфенција) го добила неговото име во негова чест.

Хајнрих Рудолф Херц е роден на 22-ри февруари 1857 година во Хамбург, во богата еврејска фамилија. Високото образование го заврши во Берлин, а потоа стана професор во Карлсрухе и на Бонскиот универзитет. Херц беше почесен член на Берлинската академија на науките. За време на школувањето во Берлин покажал голем интерес и познавање за науката и јазиците а учел арапски и санскрит. Наука и инжинеринг студирал во Дрезден. Минхен и Берлин. Бил ученик на Густав Р.Кирхов и Херман фон Хелхотз. Дипломата ја добил во 1880, а до 1883 останал Хелхолтзов ученик. Тогаш земал место како предавач на универзитетот во Келн. и тука ги открива електромагнетните бранови. После експериментот на Мишелсон во 1881 кој го докажал непостоењето на земјината патека околу сонцето која што настанала во 17 век, Херц ги преформулирал Максфеловте равенки и дошол до нови откритија. Во текот на експериментот докажал дека електричните сигнали можат да патуваат низ воздухот како што претпоставувале Џејмс Кларк Максфел и Мајкл Фарадеј, и тоа беше основа за откривање и развој на радиото.