Лепчиња со Сирење

Цветно лепче со сирење

Потребни состојки:  900 g брашно, 1 филџан масло,
1 лажичка сол, 1 квасец, 1/2 литар вода, 200 g сирење,

4 јајца ( 2 за тесто, 1 за сирење, 1 за мачкање).

Замесете гo квасецот со малку брашно, шеќер и топла вода да стаса. Додадете го маслото, 2 јајца, солта и водата, изработете го и оставете го да расне. Откако ќе биде гoтoво тестото, поделете го на кравајчиња и  секое oд нив расукејте ги во правоаголни кори. Уз работ на коричката ставете од сирењетo пoмешанo со јајца и изролувајте. Извиткајте ги ролничките како полжавчиња, наредете ги вo плех, премачкајте ги сo јајце, поросете ги со сусам и афион и откако ќе раснат десетина минути, испечете ги во загреана рерна додека да се вцрват.

ПАЛАЧИНКИ

ПАЛАЧИНКИ

Дали знаевте дека првите палачинки се јаделе уште во античко време? 
Секако, тоа не биле палачинки онакви какви што ние денес јадеме. Печената мешавина од млеко, брашно, јајца и зачини, античките Римјани ја нарекувале "alita dolcia", што во превод би значело "нешто слатко", а истата наликувала на погача или омлет. Палачинките какви што ние денес јадеме се настанати во Европа во средниот век. Самиот збор палачинка доаѓа од унгарскиот збор "palacsinta". Во текот на историјата, состојките за палачинки се менувале и надградувале.
Брашно, пченка и компир се дел од состојките од кои што се правеле палачинките. Некогаш тие се печеле на огниште во импровизирани тави. Денес се печат во специјални тавчиња за палачинки.Тенки или дебели, солени или слатки, прелиени со најразлични сирупи или п осипани со овошје, сите видови на палачинки се прилагодени на најразлични национални кујни и локални обичаи.

ОСНОВЕН РЕЦЕПТ КОЈ УСПЕШНО ПРЕТРПУВА ПРОМЕНИ ВО ЗАВИСНОСТ ШТО ИМАТЕ  НА РАСПОЛАГАЊЕ:

  Подготвување на смесата:
Се матат добро 3 јајца во подлабока чинија со лажица (обична или лажица за мешање).
Се додава 1/2 кгр. брашно и заедно се промешуваат добро.
Се додава малку сол, а потоа се додава по малку млеко додека не се потроши половина литар.
Се меша добро додека смесата не се изедначи.  
Смесата треба да има густина како јогурт. Да не биде многу густа, но и премногу ретка.

Пржење на палачинките:
Во тавче се става малку масло додека добро не се загрее. Со салфета или тоалетна хартија намастете со масло на тавчето по секоја палачинка. На тој начин избегнувате да се лепат палачинките.
Во загреано масло се додава по една кутлача од предходно подготвената смеса. Се разлева веднаш во тавчето за да бидат палачинките што потенки.
Штом ќе се испржи едната страна палачинката се превртува и се пржи и од другата страна. 

Кога е готова се става на чинија. Палачинките пржете ги додека се потроши тестото.

 НАЈЕДНОСТАВНО СЕ ПОДГОТВУВААТ ПОСНИТЕ ПАЛАЧИНКИ СО КИСЕЛА ВОДА, БРАШНО, МАЛКУ СОЛ и МАСЛО ЗА ЈАДЕЊЕ. СЕ ФИЛУВААТ СО ШТО САКАТЕ, СОЛЕНИ или СЛАТКИ.

Сарма од лозов лист

Сарма од лозов лист

Потребни состојки:

• 50-60 листови од лоза
• 500 g мелено месо
• 2 помали главици кромид (или 2-3 млади кромидчиња)
• 150 g ориз
• 2 лажици мешан зачин
• 1 лажиче црвен пипер
• малку сол
• малку бибер

Подготовка:

Листовите се обаруваат во врела вода, се цедат и се оставаат да се изладат.

Кромидот ситно се сечкаа и се пржи додека да омекне.

Се додава месото, сето се меша и се пропржува.

Се додава ориз.

Се зачинува со мешан зачин, црвен пипер, сол и бибер.

Сето се промешува да се изедначи и се трга од огин.

Со овој фил се филуваат листовите.

Се виткаат и се редат во тенџере или тава.

Се полеваат со врела вода (да ги покрие сармичките околу 3-4 сm над нив).

Доколку немате сад со капак од Братство - Охрид, се покрива со фолија или неколку слоеви од лозови листови.

Се вари 2 часа на тивко или се пече во рерна 1 час.

Заменете го месото со соја или зеленчук и ќе добиете вкусна, посна сарма од лозов лист.

Лозов лист за подобра циркулација
Кога некого ќе прашате за што служи лозовиот лист, како од топ ќе одговори: "За сарма", но малкумина знаат дека има и лековити карактеристики. Во народната медицина најчесто се употребува во лекувањето дијареја, лоша циркулација, проширени вени, нередовна менструација, хемороиди, но и да се исчистат бубрезите од песок или од камен.
За подобра циркулација, се препорачува да се варат две раце свежи, ситно исечкани лозови листови 15 минути во еден литар вода. Добиената течност се сипува во поголем длабок сад. Нозете се држат во неа половина час, потопени до колена. Овој третман треба да се применува секоја вечер во текот на еден месец.