Јуриј Гагарин е роден на 9 март 1934 година во близината на Смоленск. Го завршил занаетчиското училиште во Луберецк во 1951 година а 1955 година во Саратово завршил индустриски техникум и пилотски курс во аеро клуб. Школувањето го продолжил во Оренсбург и веќе во 1957 година станал пилот – ловец, на Советските воздухопловни сили. Гагарин, својот “мал чекор” го направил на 12 април 1961 година кога со вселенскиот брод “Восток”, ја обиколил планетата. Тоа претставувал прв лет на човекот во Вселената и ерата на космонаутиката од тој момент била отворена. На овој лет, Гагарин направил еден круг околу планетата. Полетал од космодромот Бајконур, во 9:07 ч. по Mосковско време, влегол во елиптичната орбита, ја достигнал висината од 327 km и по 108 min се спуштил на територијата на Советскиот Сојуз во селото Смеловк, јужно од Саратов. Загинал на 27 март во 1968 година во авионска несреќа, додека тестирал млазен авион.
