ПАНДОРИНА КУТИЈА

Пандорината кутија

Според митологијата, додека постоеле боговите, врховниот бог Зевс им ја доделил задачата на Прометеј и Епиметеј да создадат луѓе. Најпрво Епиметеј ги создал животните, па го повикал својот брат да додаде и тој нешто. Прометеј го создал човекот сличен на боговите. На Зевс не му се допаѓало тоа што луѓето наликувале на боговите, па се одлучил нешто да промени. За да не ги меша двајцата браќа кои ги создале првите луѓе, побарал од својот син Хефест, богот на уметноста, да ја создаде првата жена, по што тој ја направил од вода и земја. Боговите и дале многу таленти: Афродита ѝ подарила убавина, Аполон - талент за музика, а Хермес моќ на разубедување. Нејзиното име, Пандора, значи „сè-надарена“.Така настанала Пандора, првата жена на планетата земја. Била преубава, љубезна и весела. Зевс ја ветил за Епиметеј, кој лесно се заљубил во неа, а Зевс како свадбен подарок им дал кутија (ќуп) полна со болести, недостатоци, патење, злоба и слични неубави работи. Ниту Пандора, ниту Епиметеј не знаеле што се крие во ќупот, а Зевс со насмевка им наредил никогаш да не го отвораат тој подарок. Љубопитната Пандора не можела да одолее, и кога ја отворила кутијата (ќупот)  сите зла се разнеле по Земјата. Се обидела да ги врати назад, но не успеала. Останале само надежта и копнежот. Еден ден, Пандора слушнала глас од внатрешноста на ќупот, како ја повикува. Гласот ја проколнувал повторно да го отвори ќупот. Така и биднало, Пандора го отворила ќупот по втор пат, и ја поправила својата претходна грешка со тоа што му го дала на човештвото најголемиот од сите дарови, надежта.